Fréttir

Samtök forstöðumanna almenningsbókasafna

Aðalfundur SFA 2019

Kæru félagar.

Það styttist í aðal- og vorfund en fundirnir verða haldnir dagana 9. og 10. maí nk. í Kvikunni – auðlinda- og menningarhúsi í Grindavík, Hafnargötu 12a.

Aðalfundur verður haldinn á fimmtudeginum og hefst kl. 13:00 og óvissuferð og hátíðarkvöldverður í kjölfarið á fundinum.

Dagskrá aðalfundar verður hefðbundin:

• Skýrsla formanns
• Reikningsuppgjör sl. árs
• Kosning tveggja skoðunarmanna til eins árs 
• Fjárhagsáætlun
• Önnur mál

Föstudaginn 10. maí verður síðan fjölbreytt vorfundardagskrá og hefst hún kl. 9:00. Dagskráin er enn í vinnslu, en hún verður bæði praktísk, hlaðin jákvæðni og sköpunargleði fyrir okkur og vinnustaðinn. Miðað er við að dagskrá vorfundar ljúki kl. 16:00.

Hver sér um sín ferðalög og gistingu.

Til að hafa hugmynd um þátttöku er hér skráningareyðublað 
https://docs.google.com/…/1FAIpQLSex0sMWbRb7V9h_yI…/viewform

Þátttökugjald vorfundar er óbreytt frá fyrra ári 15.000 kr.
Með von um að sjá ykkur sem flest 
Bestu kveðjur,
Stjórnin

SFA Merkið

Merki og Barmmerki

Á vorfundi forstöðumanna almenningsbókasafna 1993 sem haldinn var í Vestmannaeyjum var skipaður starfshópur um merki fyrir íslensk alemnningsbókasöfn. Starfshópurinn kynnti niðurstöður sinar á haustfundi í Grindavík sama ár og í framhaldi af því var ákveðið að láta teikna nýtt merki fyrir söfnin. Einnig var ákveðið að vinna samhliða að vegskilti í samvinnu við Vegagerðina. Það var svo á Landsfundi bókavarða í Munaðarnesi í september 1995 að merkið var kynnt og samþykkt. Jón Ágúst Pálmason hannaði það og lýtur vegskiltið reglum Vegagerðarinnar um útlit en litirnir í litaútgáfu merksins eru táknrænir fyrir hina gömlu og virðulegu leðurinnbundnu bók til lífs- og litagleði ungviðisins.

Öllum bókasöfnum á Íslandi er heimilt að nota merkið.

Um notkun vegskiltisins gilda reglur Vegagerðarinnar.

Barmmerki


Barmmerki með merki almenningsbókasafna er m.a. hægt að panta hjá Skilti og merkingar, Efstaleiti 28, 230 Reykjanesbær.
Borgar Ólafsson s. 421-1225, fax 421-4425, netfang sogm@simnet.is